गजल
के गल्ती थियो र मेरो तिमीले आज छोडिगयौ ।
जिन्दगी भरी सगै जिउने बाचा हाम्रो तोडिगयौ ।
अज्ञानताले पनि गल्ती मेरा केहि भए होलान ।
आवेशमा प्रेमको घडा तिमीले आज फोडिगयौ ।
यात्रा हाम्रो जिवनपथको यसरी नै चल्दैथियो ।
अचानक पाइलाहरु तिमीले अन्तै कतै मोडिगयौ ।
जीवनगाथा हाम्रो हिमाल झै अटल उच्च हुनुपर्थ्यो ।
आग्रहमा बिग्रहको बिन्दु खै किन तिम्ले जोडिगयौ ।
स्वच्छ अनि सजिब मेरो हृदयको क्यान्भासमा किन ।
आज तिमीले अनायासै यस्तो अमुक चित्र कोरीगयौ ।
के गल्ती थियो र मेरो तिमीले आज छोडिगयौ ।
जिन्दगी भरी सगै जिउने बाचा हाम्रो तोडिगयौ ।
